Gaurkotasuna

Kiroldegiko lehor eta heze ikastaroen eskaintza integrala, aurreikusita dauden yoga edo parkourreko masterclass saioen jarduera edo ekimenak, eta Artarrai mendi taldearen jarduerak biltzen dituen triptikoa argitaratu eta banatu du Ermua Kirolak-ek.

Kirol alorrak hedabide herrian kirola egiteko eta gozatzeko ditugun aukera ugariak modu integralean ezagutarazteko hiru orrikoa argitaratu eta banatu du. Helburua Ermua Kirolen eta udal kirol zerbitzuaren ikuspegi globala eskaintzea da, baita klubek eta kolektiboek antolatu eta eskaintzen dituztenena ere, bizitza aktibo eta osasungarria baten mesedetan. Horretarako, eskaintza hori dokumentu batean jaso dute, hiruhileko bakoitzeko, agiriak irakurketa erraza eta diseinu erakargarria duelarik.

Liburuxkaren ezaugarri teknikoak eta datuak

Maiatzetik uztailera bitarteko jarduerak biltzen dituen triptikoa Ermuan bizi garenon postontzietara iritsi berri da. Hiru orrikoak igeriketako udako ikastaro trinkoak eta aeroyoga jarduera nabarmentzen ditu. Artarrai Mendi Taldeak aurreikusi eta iragarritako txango eta irteerak ere jasoaz.

Kuatrikromian (koloretan) inprimatutako 7.300 liburuxka argitaratu dira, 130 gramoko paper birziklatuan. A3 tamaina du (300x420), eta bi poltsako tolestura eszentrikoak eta gurutzea ditu, azkenean 15x15 cm-ko tamainan uzteko. Zazpi mila ale banatu dira etxeetara postontzietan, eta gainerako hirurehun aleak udal-bulegoetan (Abiapuntu, Izarra, Lobiano, Liburutegia, Betiondo, Emakumearen Etxea, eta abar) eta ohiko beste leku batzuetan (osasun-zentroa edo Haurreskolan) eskainiko dira.